الذئب سرحان والرجل ابو الأيتام جـ 2| وسام |

عدنا إليكم لنكمل بقية القصة وما حدث مع الجمال
وفهد ابو الايتام

اترككم مع بقية القصة ,,
\
/
\
/
\
/


وإذا وصلت مورد الماء الذي على الطريق خلك عنده حتى أرجع


عليك خابر بيت مافيه أحد لامرأة من طوارفنا أب أخذ المفتاح


وارجع عليكم .


فعلا راح وجاب المفتاح وانزل فهد وأولاده


في هذا البيت ,وإذا هو قال لأولاده صلحوا لخوياي عشاء.


وبعد ما أنزلهم بالبيت قال يافهد ابروح أجيب


عشاي أتعشا أنا وياك والأولاد .


فرح فهد ,ورجع الجمال إلى بيته وكان عنده أخته


التي هي مطلقة فقال ي أختي الله الذي رزقك هذا مسكين


له أولاد صغار وانت امرأة عقيم جاب الله لك


أولاد بلا تعب لعلك تدخلين الجنة بسببهم , وهم


ماسكين على يد والدهم عن العمل وهم صغار .


وافقت أخته , وفي الحال ذهب إلى فهد , وقال عندي أختي


وأنا شرت عليها إنها تزوجك وتربي عيالك ,وإنها


امراة طيبة وتصلح لك إن طعت شوري ,


فقال فهد أنت الوجه المبارك لكن , والله ما أملك من الدنيا سوى


عشرين صاع من العيش ومثلهن تمر ,وأنا مواعد العيال أشتري


لهم ثياب ,قال الجمال : أنا أسلفك ثلاثين ريال عطها خمس


عشروخمسة عشر أشتر بهن للعيال ,وكمل البيت من قهوة وما


تحتاجون .( طبعا هنا المقصود من الريال الريال الفرنسي الفضي )


وافق فهد وشكر للجمال وكأنه دخل في عمر جديد .


وتم الزواج ووجد المرأة أحسن من أم العياله بكثير ,وبعد يومين


من الزواج قالت يافهد : إن موضي تقول أن أبوي يبي يشتري


ثوب جديد ,ولكن خذ هذه ثلاث أريل جب لها وجب لإخوانها وأنا


أبخيطهن بيدي أبي الأجر .


فرح بهذة الوهلة , وقال عندي دراهم فقالت لو عندك دراهم


أنا أبي أفرحهم قبلك ,أنا أمهم الجديدة , ومن اليوم ورايح إنسهم عنك .


وبعد يومين قالت له أغديك تشري لك جمل وتخاوي أخوي


إبراهيم يساعدك على مصروف العيال ؟فقال: الجمل يسوى


خمس وثلاثين ريال أنا ما عندي إلا عشرين ريال ,فقالت


أنا أعطيك خمسة عشر وإذا جاء أخوي أخذنا منه


شداد ولوازمه , وأخوي يفرح أنك تخاويه وهو يعرف الديرة


ويعرف يبيع لك لما تعلم,


فرح , ولما حضر غبراهيم عرض عليه الفكرة, فقال هذا


هو الرأي وفعلا اشترى جمل طيب , وعملت له الزوجة الجديدة خرج


وجهزت فيه لوازم الجمال وخرج مع إبراهيم


ولكن الجمل الذي اشتراه من النوع الطيب ,


وفهد قوي وكان إذا حمل الجمل ساعد إبراهيم وصار إبراهيم


في غاية من الراحة ونزلت البركة , وأرغد فهد وارتاح قلبة من هم العيال


ووجد امرأة على ما يرام .


وإذا كان في البر ارتاح مع إبراهيم وإذا كان في بيته


ارتاح مع حسن المراة وفعلها بأولاده وعشرتها معه





, فقال :


يوم ضاقت الدنيا ولمت بلإعسار ....وأشتد الكربه وضاقت عليه


رفعت كفي للولي وقت الافطار....المالك المعبود جزل العطيه


وعيالي ايتام وأمهم خلت الدار....وانا وحيد والمخابي خليه


سخر لي المولى على الدرب مرار ....راعي الشهامة والوفا والحميه


شالن مع أولادي ودبر لي الدار ....وعطاني من الزينات بنت هديه


راعية وفا جود وايضا لها انظار ....وأيضا مع أولادي أفعال خفيه


شغله بهم ما يشغله الوالد البار ....ما ظنتي ولا امهم الوفيه


وانا بعد فعلها معي فعل الاخيار....ما ظنتي ألقاه وأيضا عطيه


اخت الذي بالقول يافي ولا بار ....وين الذي مثله يشجع خويه


ماجابت الخفرات مثله ولا صار ....فعايل المبرور وصارت وفيه





هذا وقامت زوجته الجديده وأدخلت الأولاد عند المطوع وتعلموا


القرأن الكريم والكتابة والتوحيد والفقهز


وفي مرة قالوا لوالدهم ودنا نشوف ديرتنا الأوله وبيتنا ,


وفعلا أركبهم وذهبوا إلى بلدتهم ,


ولكن لم تعجبهم فرجعوا إلى البلد بسرعه ,





فقال أبيات يسندها على أولاده:


يا أولادي هذي ديرة مابها رجوع....بها التعب والفقر وأيضا العذاب


يما تجرعت المراره مع الجوع ....ويما سهرت الليل دمعي إسكابي


توفي الوالد وأنا عمري أسبوع ....وامي بعد حولين تحت التراب


مع أمكم راحت وانا قلبي اصدوع....وانتم يتامى ما بلغت الشبابي


تجرعت فيها اليتم والفقر واللوع.... وشفت العزاري بين ذيك الروابي


ياما سنيت الليل والعالم هجوع .....من خوفتي ينقص عليكم زهابي


موضي تصيح ورشت الخد بدموع ....تقول يابابا تجيب الثياب


لاتنزل الاطراف مابه لك اريوع .....عليك بالبلدان تلقى الرحاب







اتمنى ان تعجبكم ..


ملحوظة: الاسلوب والمعاني كلها كتبتها حسب طريقة وأسلوب الكاتب في الكتاب ,,