سالفتي مع الكورة

[size=21]السلام عليكم يا أحلى أعضاء
كيف حالكم يا شطورين,ياحلوين,يا مهبولين << امزح أمزح

الموضوع عني أنا وأمي وه بس في حنان زي حنانها

عمركم شفتو أم تدبغ قصدي تخم بنتها كل يوم
عمركم شفتو أم تمعط قصدي تمشط شعربنتها كل يوم

اذا ما شفتم بتشوفون ان شا الله........بتشوفون سالفتي مع الكورة T153

في يوم من أيام رمضان أفقت على صوت آآآآه على هالصوت
ألي هو

قومي قومة تقمس ان شا الله << يمدي أمهاتكم عليها.....يبطوووووووون
نومة جدي يا......مشفر قومي اليوم خالتس عازمتنا في استراحة
قلت:طيب مافرقت استراحة بيت ملينا منها
بعدين قالت أحلى كلمة سمعتها في حياتي

اليوم ما في رجال بس القسم حقهم مفتوح
أنا نقزت من السرير مثل نقزة جندب << ألي في زينة ونحول
الله يمه أخيرا تحقق مناي ما أصدق في ملعب سالفتي مع الكورة T028

قالت الله وأكبر من حلاة اللعب
عيوني قامت تكبس يعني زي كذا سالفتي مع الكورة T046

نعم انا لعبي موب حلو؟
البنات بدال مايسموني كريستيانو رونالدو يسموني كريستينا رونالدو << قوية
ياحليلس انتي ما تعرفي سوابقي يا يمه<< وشي مباريات كأس العالم مثلا
بعدين وتصقعني مع راسي ألي بغا يجيه ارتجاج
وتقول: وش هالخرابيط ذي ماعندنا بنات يلعبون كورة تبين تسوين شي يسلي
تلقين في دولابس لبس الباليه << ألي عندي من سنة الطفحة
هذاك يخليس أكثر انوثة
ألا وأقول يمة أولا ما ناقص ألا وأقص شعري وأصير بوية
ثانيا: انا باليالله أوقف على رجولي شلون أوقف على أصابعي وتقول: ألحين هالأشكال الهندسية
ألي على طرف رجولس أصابع اقول بلا كلام فاضي بس قومي طيري هالثلج ألي
براسس وألحقيني << قصدها القشرة << وش فيني اليوم أتهزا بنفسي؟
المهم قمت والي دايم كل ما أقوم ألقى نعالي (أكرمكم الله) ضايعة
أكيد أختي تزرفها << وزيها عشان ما تاخذها يا الدلخة
المهم وأبدا بالرحلة ألي دايم أسويها كل ما جيت أبطلع ألي هي
يمة وش ألبس, ما علي منكم تشترولي جزمة جديدة (أكرمكم الله),وين اكسسواراتي,
وين طوقي ألي فيه رسمة جح << بنات ألي تبغى زيها لا تستحي عادي عندي بضاعة
المهم عادتي الوحيدة أني لما أطلع من البيت مسوية كشخة
بس لما أركب السيارة وأرفع رجولي ألقى أني لابسة شبشب البيت<< ياني رجعت اهلي كم مرة,
بعد ما وصلنا بس لا تحسبون من البيت للاستراحة لازم أروح للبقالة وأشتري المأكولات
بس ألي يقهرني أن أبوي يطول يقعد يسولف مع راعي البقالة ما ناقص ألا شاهي وقهوة
أو أنه يقرا جريدة وما يشتريها ويسوي هالحركة أذا جابني من المدرسة
وأقعد في هالحر ويا سيارته ألي ما فيها مكيف.

المهم بعد ما وصلنا لازم سوالف حريم وحش بس أنا منيب معهم
اختار اي حركة من حركات كريستيانو أقلد المهم مب بس انا ألي احب الكورة كل شلتنا
وجاء الوقت المنتظر الي هو وقت السحور والحريم الي عندنا مب يتسحرون ويقومون
ألا يسولفون على السفرة قررنا نسحب انفسنا وقسم الرجال كان فاضي
قسمنا الفرق وكالعادة قامو يتضاربون علي وقررت أسوي قرعة
ورحت للفريق ألي لعبهم بايخ المهم وبدينا لعب وفريقي أخذ 24على2 بفضلي طبعا
والهدفين كان بسبب فريقي هالمدلخات سجلو على أنفسهم
المهم وبنت أختي كانت معنا والبوابة حقة الرجال كان مفتوح شوي
وهي شافت سيارة ملبقة عند الباب بعدين جتنا تقول في سيارة عند الباب بس ما صدقناها
لأنها ملكة الكذب بعدين جانا ذاك المزيون ولد خالتي
هو يوم شافنا صنب من الصدمة بس احنا بدينا نهج وانا كنت أخر وحدة
من الخقة قعدت أناظر فيه وأنا أركض وبعدها حدثت الكارثة
تعكرت وطحت وياليتها طيحة عادية طحت على حفرة مكبوب عليها موية يعني طين
والمدلخات قعدو يضحكون علي حتى هو
وانقلب وجهي 760طماطة سالفتي مع الكورة T017

عقبها حرمت ألعب كورة مرة ثانية

ما يستفاد
1-يابنات أتركو الكورة لأهلها لا تلعبونها تراها سيدة المواقف المحرجة << وش عقبه
2- رجاء كتابة منقول مب زي الموضوع الي فات تخيلوها في أنفسكم ما ترضونها
3- ألي فوق كله ارانب أمي طيبة الله يخليلي أياها ومافيه مزيون ما مزيون انسوها
اما سالفة كريستينا رونالدو فقش
4-ترى شعري حريري خالي من قشر

الله الله بالردود والتقييم

لكم ودي

سفير الحب

[/size]

الله يعطيك العافية