اشين موقف لي ^_^

السلامـ عليكمـ ..
وشلونكم وشخباركم ؟!
كل عامـ وانتو بخير يالغوالي <<< بدررررري اشين موقف لي ^_^ T023

والله اني مشتاقتلكم شوق ام لولدها
مشتاقتلكم شوق عيوني لجبـهتي<< اشين موقف لي ^_^ T053

>>ناويه على بثارهـ

المهم ماعلينا
"
مبروووووووكـ فوز الهلال 5:1 اشين موقف لي ^_^ T107

والحمد لله عالسلامهـ يا ولد عمتي <<هو معنا بالمنتدى بس ماني قايله مين اشين موقف لي ^_^ T042

<لا تكفين يرحم والديك اشين موقف لي ^_^ T097

...................
السالفه يا طويلين العمر تقول :
في يوم من الايام البايخه كالعاده كنت جالسه بالغرفه واحوس بوجهي ذالمصدومـ<<كأنه كابرس صابونه 93 اشين موقف لي ^_^ T023

اتصلت علي خالتي العزيزهـ وقالت
خالتي:الو رورو يا حيوانه بسرعه اطلعي بنتي تعبانه بوديها الشميسي
انا: يؤيؤ وش فيها
خالتي: اطلعي جعل الطلع ينبت في جنبس بسرعه
انا: طيب طيب لا يشد عرق فيس بس
ورحت اركض اقول لأمي اني بطلع الحين لان بنت خالتي تعبانه
امي :وجع وجع وراس تهابدين
انا: يمه خالتي تحت تقول تعالي بسرعه عشان لولو بنتها تعبانه
امي:وش تبي فيس طيب
انا:يمه ماادر عنها بس خليني انزل قبل ما تجي تمصع رقبتي
امي: والله انا اللي بمصع رقبتس الحين يلا انقلعي عن وجهي
انا: طيب وش فيس صايله يلا بااااي
واخذت عبايتي ونزلت فتحت باب الشارع والقا خالتي فاتحه الشباك وتناظرني بعين
انا: هي هي وش ذالنظرات قاتله اخوس انا
خالتي:اقسم بالله لو ماتركبين بسرعه لأخلي رجلي(زوجي)يخمس على كرشتس
انا:لاوالله اصلا لو يدعس رجلس طفت سيارته والله لو انها (كمارو)
ورحت ركبت معهم ومن اول ماركبت وعيوني متقلبه اشين موقف لي ^_^ T009

احس اني بأنزل (يعني بأستنزل) لان ريحة السياره دهن عود يوجع الراس
انا:خالتي وش تحسون به دهن عودكم قوي
خالتي : تعرفين لازم الحركات هذي

.....وبعد سكوت طويييييل قلت الحين ليش جايبتني معس
خالتي : لاني ابيس تمسكين ولدي شبيب
انا:لالالالالالا يرحم والديس ولدس سلق سرييييع إذا راح يركض وشلون بلحقه
خالتي: مشكلتس عاد لازم تمسكينه عشان مايجنني
انا: طيب كم لي <<<<<حضرميه هع اشين موقف لي ^_^ T023

خالتي:لس تبن في وجهس اوكي
انا:طيب طيب ابشري إذا ماخليت ولدس يمشي على الكبري مااكون رورو
ودخلنا المستشفى وجلست بالإنتـظار اللي جوا انا وشبيب لحالنا
شوي اشوف شبيب يحمممي رجلينه وفتح الشكامين(خشمه يعني)
وصار خشمه يكربن علينا سفهته وجلست احوس بجوالي
شوي مااسمع الا صوته يـفاحط
الا وانقز من مكاني وافك السبـيـيـد والحقه اشين موقف لي ^_^ T020

والولد مستمر يركض وانا وراه الين وصل آآآخر السيب ويصقعبي دواااار اشين موقف لي ^_^ T097

الا واروح انبرش عليه وامسكه واعطيه في بطنه ركبه واعطيه في راسه هد الين داخ

وارفع راسي والقا نفسي بقسم الرجال!!! وكلهم طاايره بوهتهم فيني اشين موقف لي ^_^ T043

وقمت ولا كأن شي صار وارجع مكاني عند الحريم وانا فيني الصيحه اشين موقف لي ^_^ T096

وولد خالتي يدربي راسه وراي

ورجعت البيت وادخل غرفتي وارررردع بالباب

واكعها ضحك على موقفي الخونفشاري

وووووووووووبس

*اي دوسري يقرا الموضوع لا يزعل ترى وربي امووت بالدواسر
*اللي عنده بزر مثل شبيب لا يفكر يلاحقه
*اي كلمه مافهمتوها علموني

وآآآآآسفه طولت عليكم
لا تحرموني من ردودكمـ اشين موقف لي ^_^ T161

(زاحفـــــه عالبيبــــــان) اشين موقف لي ^_^ T064

الله يعطيك العافية