روايتي الثانيه \ بو كونك طيب مخلص لقلب صرت له اوطان ابيك و اعترف اني احبك

و كونك طيب مخلص لقلب صرت له اوطان ابيك و اعترف

اني احبك \ رومنسيه جريئه للكاتبه رسيـل

أعرف انك ماتصدق بس والله

فوق والله..

والله أنه راح مني نصف عمري

>>في غيابك..

وأعرف أني شلت همي تاركن

حبي على الله..

كني أبعد من نجوم الليل وأقرب

من ثيابك..

ياعساك وياعساني وياعسانا

وياعسى الله!

ياعسى الدنيا تموت وما يعيش

إلاترابك..

يا أحبك واعشقك واهواك.. وإلا

يفتح الله..

ماتعودت افتخر باحساسي إلا

(تحت بابك)

ايه أحبك والقضيه واضحه

والشاهد الله..

يطرد المظلوم خصمه وأنت

خصمي ياهلابك..

ياهلا بك يوم تجرح خافقي

ويسامح الله..

ياهلا بك يوم تلحق غيمتي!

والحق سرابك..!

جابك الله في حياتي ياحياتي

جابك الله..

ليش؟مدري! .. وين؟ مدري.. كيف؟ مدري بس جابك..

كل ماقلت ابتدينا في المحبه

قلت ياالله..

مادريت إن النهايه بين بعدك واقترابك..

إنظلمت ولا شكيت..

وقدتركت الأمر لله..

كان همي أنتظر باقي عذابك في عذابك..

الله الله إنتبه.. واحذر.. وفكر

والله الله..

مثل ما أحسب حسابي في هواك أحسب حسابك..

ماطلبت المستحيل ولا رجيتك

شي لله!

ماطلبتك أرتفع من حجرتي

واسكن سحابك..

يصرخ القلب المعذب ياالمعذب

(وكل الله)..

شاب حبك في عيوني وانت توك

في شبابك..

رحت شي.. وجيت شي "مختلف" ياحسبك الله..

تصدق إني مابغيت اجلس مع

حضرةجنابك..

غير (ذاك الزمان) ويازماني

منك لله..

ليش ماغيرت فيني شي يوم

إني أهابك..

ليش مايعطف حنانك علي

وتوحد الله..

يعرفون انك سؤال ويعرفون

اني جوابك..

ويعرفون اني حلفت ولا اعرف

أغلى من الله..

والله انه راح مني نصف عمري

في غيابك

البارتـ الاول

في لندن

كان الوقت وقت شتا دوبها خرجت من الجامعه و كان عليها شال يلفها على رقبتها و مظله و

شايله الكتب في يدها اليسار

شوية جاتها صاحبتها اديل

اديل : وتين

وتين طالعت فيها و ابتسمت و قالت : هلا

اديل : هلا فيك طالعت فيها و كملت و قالت : رايحه ع البيت صح

وتين : ايوا يغيتي شي

اديل : لا بس كنت حابه اروح الكوفي معاك اذا ما كنتي مشغوله

وتين : سوري و الله بس مرة تعبانه بدي ارجع البيت احط راسي ع المخده و انام

اديل : ماشي

وتين و هي رايحه قالتها : باي

اديل : باي

خرجت وتين من الحرم الجامعي و سارت تمشي برجولها بدها توصل بسرعه الفيلا حتى تحط

راسها ع المخده و تنااااااااام

كانت ماشيه و سرحت في حالها ما تشوف غير تصقع في واحد

طاحت الكتب

طاحت المظله

طاح الشال

رفعت راسها تشوف مين داه الاعمى اللي صقع فيها و اتقابلت عيونهم مع بعض و فجاه وقف

الزمن بينهم

دقيقه

دقيقتين

3 دقايق

4 دقايق

5 دقايق

و فجاه انتبهوا ع الوضع اللي هم فيه و عصبت بدورها وتين من الافكار الغبيه اللي تجيها ووقفت

طبعا انا مترجمتكم <<< خخخخ

وتين : انت اعمى ما تشوف دحين مين يشيل الاغراض دي كلها اكيد انت مو

_ هو بكل ثقه قال بالعربي : طبعا لا اكيد اللي طيحهم

وتين هنا فتحت فمها لسببين

1- طلع سعودي .

2- طلع وقح و جريء هو اللي طيح الاشياء و يقولها انتي شيليها ايش الوقاحه دي .

طالعت فيه بغرور و قالت : نعم يا اخوي ما سمعت عيد اللي قلته

_ هو كان في عالم تاني كان يطالع القلاده اللي لابستها و من غير شعور مد يده ع القلاده

اللي في رقبتها و مسكها .

هي مرة اتنرفزت من حركته و بعدت يده بقرف و قالت : بعد يدك بلا وساخه ناقصه قرف انا

_ مرة اتنرفز من كلامها كالعاده بس ما بين و ابتسم بسخريه و قال : و ليه يختي ان شا الله لا

يكون جرثومه و الا مو قد المقام .

طالعت فيه من فوق لتحت بغرور و قالت : قلتها بنفسك ما انت قد المقام .

_ حزت الكلمه دي في نفسه بس ما بين و طالع فيها باستهزاء و قال : و ليش ان شا الله بنت

الوزير و الا بنت جورج كلوني على غفله و انا مدري <<< ايش جاب لجاب خخخ

انقهرت منه مرة و قالت : و الله لو تعرف بابا ما كان اتجرات و قلت اللي قلته على و كملت بقهر

و قالت : يا حمار

هو انصدم مرة و اتوقع انها وقحه بس ما توصل لدي الوقاحه لدرجه انها تسبه و تهين كرامته

قام قرب منها ببرود و سوى حركه خلت شياطينها تنطنط قدامها .

و في مكان تاني

( في السعوديه حبيبه ئلبي ^^ )

و بالتحديد في جده عند لين

ااااااااااااااه يا بابا ليه سبتني لحالى مين ليه بعدك يا بابا ااااااااااااااااه و سارت تبكي بصوتها

استغفر الله استغفر الله يا ربـ بس و الله بعدك يالم اهي اهي اهي اهي

و جلست تبكي على ابوها اللي مات و اللي دوبه كمل شهر على بعضه و هي دحين مالها

احد في الدنيا دي غير عم ما تعرف عنه اي شي .

و بعدها قامت اتوضت و صلت ركعتين دعت ربها يرحم ابوها و يبرد على قلبها و بعد ما خلصت

صلاه قعدت تقرى قران لمن هدات نفسها و افتكرت وصيه ابوها يوم موته

( لين يا بنتي بعد شهر من موتي روحي لعمك حامد ( محامي ابوها ) و هو يعطيك الوصيه ) و

ادالها عنوانه و رقم مكتبه و ما استنت ثواني الا و دقت على المكتب

لين : السلام عليكم

_ : و عليكم السلام و الرحمه

لين : لو سمحت الاستاذ حامد موجود

_ : لا و الله

لين : طيب متى يفضى

_ : طيب اديكي موعد معاه

لين : ايوا لو سمحت

_ : تبغى مستعجل و الا

لين : ايوا يا ريت يكون في اقرب وقت

_ سار يقلب في الصفحات يشوف جدول اعماله و قال : اممم ينفع بكرة

لين خافت و ما اتوقعت يكون بالسرعه دي و قالت : اممم ماشي

_ : طيب باسم مين

لين : من طرف راشد الهيماني

_ افتكر المرحوم قد ايش كان طيب معاه و هو اللي لقاله الوظيفه دي و ساعد امه و اخواته و

قال : الله يرحمه رحمه واسعه تشمله من السما للأرض

لين اضطرت انها تقفل قبل ما تخونها دموعها و قالت : مشكور اخوي

_ : العفو اختى داه واجبنا

همست بخفيف : فمان الله

ابتسم ابتسامه باهته و قال : فمان الكريم .

و في مكان تاني

و بالتحديد في روما

عند ليان كانت بتتكلم مع صاحبتها و تقولها

ليان : ايوا صح ما قلتلك

راما: وات

ليان بفرحه : يوم الخميس حافتتح معرضي

راما : ها

ليان عصبت من راما التنحه ( المفهيه ) على قولتها و راحتلها و ضربتها على خدها بشويش و

قالت : رومه اشبك

راما استوعبت و اخيرا <<< ماراحت الضربه اللي اخدتها ببلاش هههه >>> و ضمت صاحبتها و

فرحت لفرحتها لانها تعرف قد ايش تعبت على المعرض داه وواجهت صعوبات

لانها بس <<< سـعـوديـه >>> شفتوا التخلف كيف <<< اللهم اني صائم ^^

راما بحماس : طيب وزعتى الكروت و الا لا

ليان هزت راسها و قالت : ايوا بس باقي كرتك

راما عصبت منها و قالت : انا صاحبتك يا حمارة تخليني اخر واحده ها .

ليان بضحكه حركت حواجبها ^^ و راما فارت منها مرة و ساروا يجروا ورى بعض في السيب و

فجاه ليان خبطت في واحد و قالت : ااااااااااه

طالع فيها بسخريه رغم انه وجعه بس قال : عمى قدي كده ما تشوفي

راما صارت متفرجه ع اللي يسير و مرة تطالع فيه و مرة في ليان اتوقعت رده فعل صاحبتها

لانها تعرفها دايما لسانها طويل و زي ما اتوقعت سارت مضاربه بينها و بينه

و ما فض المضاربه الا الشرطه و بعقد الصلح بينهما <<< اموووووووت انا يا لغه فصحى >>>

اقول بالله اكرمينا بسكوتك ^^ و بعدها طالع فيها بسخريه و مشي .

هي مرة انقهرت منه و شافت راما متوترة من الموقف و حبت تخرجها من الموقف اللي سار و

قالت : اسمعي

راما بشرود : هلا

ليان طلعت كروت من شنطتها و ادتها لها

راما استغربت من الكروت و قالت : ايش داه

ليان بضحكه : اشك انه عندك الزهايمر ^^

راما : ههههههه المفروض مو تشكي المفروض تتاكدي

كلهم ضحكوا على كلامها

و قالتلها ليان : هادا كرتك و وزعي باقي الكروت ع اللي تحبي يحضروا

دمعت عيون راما و راحت حضنتها و قالت : ربي ما يحرمني منك

ليان بضحكه : و لا منك

انتهى البارتـ الاول

* - *

مين داه الشخص اللي اتضارب مع وتين ؟؟؟

ايش حكايه القلاده اللي لايستها وتين ؟؟؟

ايش الوصيه المكتوبه لين ؟؟؟

و ايش مضمونها يا ترى ؟؟؟

تتوقعوا مين الاولاد اللي اتضاربوا مع راما و ليان ؟؟؟

حيكون بس مجرد موقف و الا راح يتقابلوا مرة تانيه ؟؟؟

الله يعطيك العافية

الله يعافيك

نورت الموضوع~ْْْْ

» روايتي الاولى (جنني حبك)
» روايتي فاقد الشي ما يعطيه
» روايتي الثانيـة الفئة مجنونـة
» رواية والله ما كان الفراق اختياري ,,روايتي الأولى ,,
» روايتي,,سيخرج أحمد يوماً,,جرئة اجتماعية ستعجبكم