الحب بلوى لاتقولين وش صار=قبلي تعذّب فيه صقر النصافي

مساكم الله بالخير وارجو انتقبلوا مني هذه الابيات المتواضعه 0
واقول

يابنت انا قبلك معذّب ومحتار
وهذي سلوم الوقت مايدوم صافي

الحب بلوى لاتقولين وش صار
قبلي تعذّب فيه صقر النصافي

ومن قبلنا القاضي شكى وابن عمّار
وكم عاشقن حبّه عن النّاس خافي

وكم مرّتن دمعي على الخد قد سار
وامسح دموع العين واقول كافي

من حب ريمن فاق نوره الانوار
ابو جديلن فوق الامتان ضافي

(وابونهودن بالصّدر توّها صغار)
ومكمّلن زينه ثمانه ارهافي

هذا كلام الصّدق مانيب عيّار
وماظن قلبي من هواه امتعافي

واختامها كنّه بكبدي لهب نار
ماتخمده حتى جنود المطافي

وسلامة الجميع
ملاحظة ورد اسم ابن عمار وهو شاعر كبير من اهالي محافظة الزلفي

يعطيك العافيه
تقبل مروري