يحوم بديرتك طيري غريبه مالقى لك دار

السلام عليكم ورحمة الله وبركاته ,,

احبتي اليكم حصريا اخر الاحساس ,,

ابيـــات خيالية من وحي هذا الصباح ,,

والتي اتمنى ان تروق لكم ,,

قلت/,, #poem_4e2666aff367a td { font-family: Arial,Helvetica,sans-serif; font-size: large; font-weight: bold; }

صباح الخير يافجري ,,, صباحٍ يطرب الافكار
	صباح الورد والازهار ,,, تنسّم بالهوى عطري
غفيت وخاطري مدري ,,يسامرهاجسه واحتار
	صحيت وقلت ياستار ,, وش اللي مشغل فكري
يحوم بديرتك طيري ,, غريبه مالقى لك دار
	رجع لي والهجوس كثار ,,, سألته قال لي مدري
وانا طيري على خبري ,,, يجيب العلم والاخبار
	صدوق اليا نخيته طار ,,, خبير بفكره العصري
وقال اليوم ابي عذري ,,, تركّد واسمع الاعذار
	ظنونك لاتصير كبار ,,, تموت بحسرتك بدري
مسحت البر والبحري ,,, سألت الناس والاطيار
	وجنّ ,, الدور و الابحار ,,, وخلقٍ مالها حصري
وقالو ’يا فهد تدري ,,, خيالي حبّك اللي غار
	صبور وتكتم الاسرار ,,, وصرت لحبهم كبري
خيالي عشت انا عمري ,,, اموت بعالم الاشعار
	وشفته قاسيٍ جبار ,,, حداني للهوى شعري
هويتك عشقي العذري ,,, كتبتك شعري فالاسطار
	الا ياروعة الاشعار ,,, الا يا نجمة الفجري
زرعتك روضهْ بصدري ,,, وصرت بقلبي الاشجار
	سقيت بدمي الازهار ,,, قطفتك همّ يا عمري
قضى حبك حفر قبري ,,, قتلني سيفك البتار
	حسافة سيرة الاعمار ,,, تبيع بحبّي و تشري
قهر تستمتع بهجري ,,, وتحرّق خافقي بالنار
	خلاص اليوم ياغدار ,,, غرامك مات في صدري
عقب ماكنت لي ذخري ,,, دانة بحر وانا البحّار
	رخصت بعيني والاسعار,,بضاعه فالهلل تجري
مسحت حروفك بسطري,,,طويتك ماضيٍ قدصار
	اناوالقلب صرنا احرار ,,, غرامك حيل مايغري
بجدد بالامل صبري ,,, و بنصى’ الخالق الغفار
	يعوّض قلبي الصبار ,,, و يرفع بالتُّقى قدري

وسلامتكم ,,

يسلمووو علي الموضوع الحلوووو

الله يعافيك

نورت والله

نوتو الموضوع والله

الله يعطيك العافيه